សារពីប្រធានក្រុមប្រឹក្សាភិបាល

យើងមានអ្វីគ្រប់យ៉ាងក្នុងទីតាំងភូមិសាស្ត្រប្រទេសរបស់យើង!គម្រោងយិនផារ៉ាដាយជាគម្រោងបង្ហាញពីមោទនភាពជាតិ សម្រាប់ភាពសុខដុមរមនា សុភមង្គល ឱកាសនៃភាពចម្រុងចម្រើន រុងរឿង និងភាពស្ងប់សុខនៃផ្នូវចិត្ត សម្រាប់ប្រជាជនកម្ពុជា និងប្រជាជាតិទាំងអស់ក្នុងតំបន់ និងលើពិភពលោក។

របកគំហើញ នៃទីតាំងភូមិសាស្ត្រ ដីហុងស៊ុយ មួយកន្លែងរបស់ប្រទេសកម្ពុជារបស់យើង ដែលខ្ញុំបានរកឃើញ ក៏មានការកោតសសើរជាខ្លាំងរួចមកហើយពីសំណាក់ស្តេចចិនសែលំដាប់ពិភពលោកថាជាទីតាំងហុងស៊ុយលេខមួយ ក្នុងតំបន់ មានទីតាំង​ស្ថិត​នៅដីហុង​ស៊ុយ​ធម្មជាតិ​ល្អ​ឥត​ខ្ចោះ​ មាន​សណ្ឋាន​ជា​ស្តេច​នាគ​សម្តែង​ឫទ្ធិ ជា​ដី​ដែល​មាន​ធាតុទាំង​៥សមតុល្យគ្នា  ហើយក៏ជាដីដែលផ្តល់​នូវ​ថាមពល​វិជ្ជមាន និង​មាន​សត្វទេពទាំងបួនផងដែរ។

ទីតាំងនោះហើយគឺជាទីតាំង ដែលយើងបាននាំគ្នាវិនិយោគ នឹងបង្កើតឲ្យទៅជា សួនឧទ្យាន មួយកន្លែងជាមួយនឹងធម្មជាតិដ៏ត្រជាក់ត្រជុំ ស្រស់ត្រកាល ដែលនឹងក្លាយជាទីកន្លែងផ្តល់នូវសេចក្តីសុខដុមរមនា ភាពស្ងប់សុខ នៃផ្លូវចិត្ត ជាចំណែកជម្រុញឲ្យមានភាពរីកចម្រើន និងលូតលាស់នៃសេដ្ឋកិច្ចគ្រួសារ និងសង្គមជាតិ នេះជាសួនឧទ្យាន​អនុស្សាវរីយ៍ឋាន​សួគ៌យិន ដែលរួមមាន៖ សួនឧទ្យានសក្ការៈ រមណីយដ្ឋាន សួនឧទ្យាន​អនុស្សាវរីយ៍ ជាមួយនឹងធម្មជាតិដ៏ស្រស់ត្រកាលត្រជាក់ត្រជុំ បរិយាកាសល្អបរិសុទ្ធ។

ខ្ញុំជឿជាក់យ៉ាងមុតម៉ាំបំផុតថា៖ គម្រោងនេះ នឹងក្លាយជាគម្រោងអភិវឌ្ឍន៍ដ៏ធំមួយថ្នាក់តំបន់ និងពិភពលោក ដែលកសាង​មោទកភាពសម្រាប់កម្ពុជានាំមុខមាត់កម្ពុជា ទៅ​កាន់ពិភពលោក ជាមួយចក្ខុវិស័យវែង​ឆ្ងាយរបស់​យើង។  សមិទ្ធិផលទាំងឡាយដែលឋិតនៅក្នុងគម្រោងអភិវឌ្ឍន៍ សួនឧទ្យាន​អនុស្សាវរីយ៍ឋាន​សួគ៌យិន នឹងត្រូវបានសម្រិតសម្រាំង រៀប​ចំយ៉ាង​ ហ្មត់ចត់ ល្អិត​ល្អន់តាម​ក្បួន​ខ្នាត​ហុង​ស៊ុយ​យ៉ាង​ត្រឹមត្រូវ ពិតប្រាកដ ដើម្បីនាំមកនូវ ភាពសុខដុមរមនា សុខសុភមង្គល និង​ភាពចម្រុងចម្រើន រុងរឿង​ សម្រាប់ សង្គមជាតិ និងមនុស្សជាតិផងដែរ។

ឧកញ៉ាសាស្ត្រាចារ្យ ឡុង ណាលី